შარლ მიშელი ისრაელში განვითარებულ მოვლენებს გამოეხმაურა. შესაბამისი გზავნილი ევროპული საბჭოს პრეზიდენტმა სოციალურ ქსელ X-ში გამოაქვეყნა.
„მკაცრად ვგმობ ისრაელისა და მისი ხალხის წინააღმდეგ ამ დილით განხორციელებულ თავდასხმებს, რომლებიც ტერორსა და სისასტიკეს თესავს უდანაშაულო მოქალაქეებში. ჩემი ფიქრები ყველა მსხვერპლთანაა. ევროკავშირი სოლიდარობას უცხადებს ისრაელელ ხალხს ამ საშინელ მომენტში“, – წერს მიშელი.
სარაკეტო დარტყმა ისრაელზე ადგილობრივი დროით 6:30 საათზე განხორციელდა. შედეგად სულ მცირე 1 ადამიანი გარდაიცვალა, 3 კი დაშავდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს.
კომენტარები