ურსულა ფონ დერ ლაიენი ისრაელში განვითარებულ მოვლენებს გამოეხმაურა. შესაბამისი გზავნილი ევროკომისიის პრეზიდენტმა სოციალურ ქსელ X-ში გამოაქვეყნა.
„ცალსახად ვგმობ „ჰამასის“ ტერორისტების მიერ ისრაელის წინააღმდეგ განხორციელებულ თავდასხმას. ეს არის ტერორიზმი მისი ყველაზე საზიზღარი ფორმით. ისრაელს აქვს უფლება დაიცვას თავი ასეთი საშინელი თავდასხმებისგან“, – წერს ფონ დერ ლაიენი.
სარაკეტო დარტყმა ისრაელზე ადგილობრივი დროით 6:30 საათზე განხორციელდა. შედეგად სულ მცირე 1 ადამიანი გარდაიცვალა, 3 კი დაშავდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს და ღაზას სექტორში „ჰამასის“ ობიექტებზე იერიში დაიწყეს.