ისრაელის სახელმწიფოს პარლამენტის, ქნესეთის თავმჯდომარე, ამირ ოჰანამ სხვადასხვა ქვეყნის პარლამენტის თავმჯდომარეებს, მათ შორის შალვა პაპუაშვილს, მხარდაჭერისთვის მადლობა გადაუხადა.
„მინდა მადლობა გადავუხადო პარლამენტის სპიკერებს მთელი მსოფლიოდან, რომლებმაც დარეკეს, შეტყობინება გამოგზავნეს, გამოხატეს საჯარო მხარდაჭერა და მოითხოვეს ისრაელის მხარდაჭერა ამ რთულ პერიოდში“, – წერს ოჰანა Twitter-ზე.
“>TWITTER POST
სარაკეტო დარტყმა ისრაელზე ადგილობრივი დროით, 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.