ისრაელის საგარეო საქმეთა სამინისტროს ცნობით, ეგვიპტის ქალაქ ალექსანდრიაში ორი ისრაელელი ტურისტი და მათი ეგვიპტელი ტურისტული გიდი მოკლეს.
გარდა ამისა, ისრაელის საგარეო საქმეთა სამინისტროს ცნობით, დაჭრილია ისრაელის ერთი მოქალაქე, რომლის მდგომარეობა საშუალო სიმძიმისაა.
„დღეს დილით, ეგვიპტის ქალაქ ალექსანდრიაში ისრაელელთა ჯგუფის ტურისტული ვიზიტის დროს ადგილობრივმა მათ ცეცხლი გაუხსნა, რის შედეგადაც ისრაელის ორი მოქალაქე და ადგილობრივი ეგვიპტელი გიდი მოკლეს“, – აცხადებენ საგარეო საქმეთა სამინისტროში.
პოლიციელმა ქალაქში ისრაელელი ტურისტების ჯგუფს ცეცხლი გაუხსნა.
გავრცელებული ინფორმაციით, ოფიცერი ამჟამად დაკავებულია.
როგორც „ბიბისი“ წერს, ეს არის პირველი ასეთი თავდასხმა ისრაელელებზე ეგვიპტეში ბოლო ათწლეულების განმავლობაში.
კომენტარები