ჩინეთისა და აშშ-ს ურთიერთობები კაცობრიობის მომავალზე ახდენს გავლენას, – ამის შესახებ ჩინეთის პრეზიდენტმა სი ძინპინმა დღეს პეკინში ამერიკელი სენატორების დელეგაციასთან შეხვედრისას განაცხადა.
„ის თუ როგორი ურთიერთობები ექნებათ ჩინეთსა და ამერიკის შეერთებულ შტატებს ცვლილებებისა და არეულობის პირობებში, კაცობრიობის მომავალსა და ბედს განსაზღვრავს. მე ბევრჯერ მითქვამს, მათ შორის აშშ-ის რამდენიმე პრეზიდენტისთვის, რომ ჩვენ ათასი მიზეზი გვაქვს ჩინეთ-აშშ-ს ურთიერთობების გასაუმჯობესებლად, მაგრამ არცერთი მათ დასაზიანებლად“, – განუცხადა სი ძინპინმა აშშ-ის სენატის უმრავლესობის ლიდერ ჩაკ შუმერს შეხვედრისას და დაამატა, რომ ჩინეთ-აშშ-ს ურთიერთობა არის „ყველაზე მნიშვნელოვანი ორმხრივი ურთიერთობა სამყაროში“.
კომენტარები