ირანის პრეზიდენტი ისრაელს ღაზას სექტორზე დარტყმების გამო გენოციდში ადანაშაულებს. ამის შესახებ BBC წერს.
გამოცემის ინფორმაციით, იბრაჰიმ რაისიმ განაცხადა, რომ ღაზას ბლოკირება ყველა საერთაშორისო შეთანხმებას არღვევს.
ირანი „ჰამასის“ ერთ-ერთი მთავარი ფინანსური სპონსორია. ქვეყნის უზენაესი ლიდერი, აიათოლა ალი ხამენეი აცხადებს, რომ მისი ქვეყანა „ჰამასის“ მიერ ისრაელზე თავდასხმაში არ მონაწილეობდა, თუმცა დასძინა, რომ „ხელზე ემთხვევა მათ, ვინც თავდასხმა დაგეგმა“.
„ჰამასის“ თავდასხმის შემდეგ, ისრაელმა ღაზას სექტორის სრული ბლოკირების გადაწყვეტილება მიიღო და სექტორში ელექტროენერგიის, საწვავის, საკვების, წყლისა და სხვა პროდუქტების შეტანა შეწყვიტა.
კომენტარები