ევროკავშირის ქვეყნებისგან სწორედ ისეთი მხარდაჭერა გვჭირდება, რასაც ახლა უნგრეთისგან და ვიქტორ ორბანისგან ვხედავთ, – ამის შესახებ პარლამენტის აგრარულ საკითხთა კომიტეტის თავმჯდომარე ნინო წილოსანმა განაცხადა.
ნინო წილოსანის თქმით, ოპოზიციის მხრიდან ვიქტორ ორბანის კრიტიკა გაუგებარია.
„მას მკაფიო განცხადებები აქვს საქართველოსთვის სტატუსის მინიჭებასთან დაკავშირებით და ამით ქვეყანას მხოლოდ ეხმარება. ამიტომ სრულებით გაუგებარია ოპოზიციის მხრიდან ვიქტორ ორბანის კრიტიკა, მათ შორის თავდასხმები მისი მართვის მოდელზე თუ სხვა საკითხებზე. ახლა ყველა საერთო ძალისხმევაზე უნდა ვკონცენტრირდებოდეთ, რათა საქართველომ სტატუსი მიიღოს. ქვეყნისთვის სტატუსის მინიჭება ორმხრივი სარგებელია და და არავის, მათ შორის არც ევროკავშირს არ უნდა აწყობდეს, რომ საქართველო პროცესში სტატუსის გარეშე დარჩეს. ოპოზიციის მხრიდან ორბანის კრიტიკა გამოწვეულია მხოლოდ იმით, რომ ის საქართველოს უჭერს მხარს. ეს ადამიანები ქვეყნის ინტერესებს ყოველთვის უპირისპირდებიან და ახლაც ლოგიკური ჯაჭვია“, – განაცხადა ნინო წილოსანმა.