როდესაც რუსულ საქმეებზე საუბარს დაიწყებენ, ვურჩევდი, რომ საკუთარი ბიოგრაფიებიდან დაიწყონ, – ამის შესახებ ფრაქცია „ქართული ოცნების“ თავმჯდომარის მოადგილემ, რატი იონათამიშვილმა განაცხადა.
იგი „გირჩი-მეტი თავისუფლებისა“ და „დროას“ ინიციატივას გამოეხმაურა.
„თუ ვინმე გამოირჩევა უშინაარსო და დესტრუქციული ქმედებებით, სწორედ ეს ადამიანები არიან. ახალი ინიციატივა სწორედ ამას ადასტურებს. ფაქტობრივად, ისინი მუდმივად ცდილობენ დეპოლარიზაციას და აქაც არაფერი გამოსდით, ყველაფერი ბუმერანგივით უკან უბრუნდებათ. ერთი ის არის აღსანიშნავი, რომ როდესაც დეპოლარიზაციის პროცესში მსგავსი ინიციატივებით გამოდიხარ, ამით აღიარებ, რომ შენი მიზანია სწორედაც რომ პოლარიზაცია. მეორე მხრივ, როდესაც რუსულ საქმეზე დაიწყებენ საუბარს, ვურჩევდი, რომ საკუთარი ბიოგრაფიებიდან დაიწყონ“, – განაცხადა რატი იონათამიშვილმა.
„გირჩმა-მეტი თავისუფლებამ“ და „დროამ“ გადაწყვიტეს, საქართველოში რუსულ სამსახურებთან კავშირში მყოფი ადამიანები ამხილონ და მათი სახელები და გვარები კონკრეტულ ვებ-გვერდზე განათავსონ.