ჩვენი მოლოდინი ეფუძნება სამართლებრივ მოცემულობას – 3 დღე დავუთმეთ უმარტივესი კაზუსის ამოხსნას, რადგან ხდებოდა დისკუსიის ხელოვნურად გაბევრება. სინამდვილეში ხდება რა: პრეზიდენტმა განახორციელა სამუშაო ვიზიტი თანხმობის გარეშე, შესაბამისად, დაირღვა ქვეყნის ძირითადი კანონი, – ამის შესახებ პარტია „ქართული ოცნების“ თავმჯდომარემ, ირაკლი კობაიძემ გადაცემაში „იმედი LIVE“ განაცხადა.
მისივე თქმით, საკონსტიტუციო სასამართლოში აბსურდული განცხადებები გაკეთდა.
„როცა ადამიანი, რომელსაც პროფესორი ჰქვია [საუბარია მაია კოპალეიშვილზე] , ამბობს, რომ საქართველოში პრეზიდენტი მართავს თავდაცვის ძალებს, წარმოუდგენელი რამეა. ეს არის იგივე იმ უნივერსიტეტის შეურაცხყოფა, სადაც ეს ადამიანი ასწავლის“, – აღნიშნა კობახიძემ.
საკონსტიტუციო სასამართლომ პრეზიდენტის იმპიჩმენტის შესახებ წარდგინების განხილვა დაასრულა. პლენუმის დასკვნა პარლამენტს კონსტიტუციით დადგენილ ვადაში გადაეგზავნება, ასევე გამოქვეყნდება საკონსტიტუციო სასამართლოს ვებ-გვერდზე.
სასამართლოს მსჯელობის საგანი იყო დაარღვია თუ არა პრეზიდენტმა კონსტიტუცია, როდესაც საერთაშორისო ვიზიტებში მთავრობის თანხმობის გარეშე წავიდა.