ველი, რომ ჩვენი ამოცანები და სურვილები დაემთხვევა იმ ამოცანებსა და სურვილებს, რაც აშშ-ის ახალ ელჩს ექნება. ეს არის აშშ-სა და საქართველოს შორის ურთიერთობების კიდევ უფრო გაღრმავება, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.
„მინდა ასევე ვისურვო, რომ 3 წლისთავზე, როდესაც ის საქართველოში დიპლომატიურ საქმიანობას დაასრულებს, ჩვენ ერთად ვიამაყოთ იმ შედეგებით, რომელიც აშშ-საქართველოს ურთიერთობებში გვექნება“, – აღნიშნა სამხარაძემ.
აშშ-ის ახალი ელჩი რობინ დანიგენი საქართველოში 2023 წლის 2 ოქტომბერს ჩამოვიდა. რობინ დანიგენი სახელმწიფო დეპარტამენტის ევროპისა და ევრაზიის საკითხების ბიუროში, ცენტრალური და აღმოსავლეთ ევროპის საკითხებში სახელმწიფო მდივნის თანაშემწის მოადგილის თანამდებობას იკავებდა. მან საქართველოში კელი დეგნანი შეცვალა, რომელიც საქართველოში აშშ-ის ელჩად 2020 წლიდან მუშაობდა.