ისრაელში, „ჰამასის“ თავდასხმის დროს გადაღებულმა წყვილის ფოტომ სოციალური ქსელები დაიპყრო.
ამიტ ბარიმ და მისმა მეგობარმა ბიჭმა, ნირ დე ჯორნომ სელფი, „ჰამასის“ ტერაქტის დროს, ბუჩქებში დამალვისას გადაიღეს. ისინი დარწმუნებულნი იყვნენ, რომ დაიხოცებოდნენ და მათი სიყვარულის ამსახველი ფოტო კი დარჩებოდა. საბედნიეროდ, ისინი გადარჩნენ.
ამიტ ბარის თქმით, იგი შოკში ჩავარდა, როცა ჯორნომ სელფის გადაღება სთხოვა.
„უცებ თქვი, რომ სელფის გადაღება გინდოდა, მე კი გავბრაზდი, რადგან იმ მომენტში ვერ მივხვდი, რა კავშირში იყო. მხოლოდ მოგვიანებით მივხვდი, რომ ჩვენ რომ მოვკვდებოდით, ჩვენი ოჯახი, სულ მცირე, ბოლო მომენტამდე შეინარჩუნებდა ხსოვნას, რომ ერთმანეთი გვიყვარდა. შენ შენი სხეულით დამიცავი და მე ვფიქრობ ყველა სხვა წყვილზე, რომელსაც ჩვენგან განსხვავებული დასასრული აქვს“, – წერს ამიტ ბარი.