პალესტინის წყლის ადმინისტრაცია იუწყება, რომ გენერატორების განადგურების გამო ღაზაში წყლის მარაგი ძალიან მცირდება.
მათი ინფორმაციით, კონფლიქტის დაწყებამდე ჭაბურღილებიდან ყოველდღიურად 262 000 კუბური მეტრი წყალი ამოჰყავდათ. ახლა ეს მაჩვენებელი 14000 კუბურ მეტრს შეადგენს და მეტი წყლის მიწოდებისთვის საწვავია აუცილებელი.
წყლის ადმინისტრაციის ცნობით, დეფიციტი მთელ ღაზაშია და გადაუდებელი აუცილებლობაა დღეში 14 000 ლიტრი საწვავი, რაც დაახლოებით 130 000 კუბურ მეტრ წყალს მიაწვდის ქალაქს.
გაეროს ჰუმანიტარულ საქმეთა ოფისმა (OCHA) შაბათს განაცხადა, რომ ღაზაში მცხოვრებთა უმეტესობას ახლა წყალი არ აქვს.
კომენტარები