შემოსავლების სამსახურის საუკეთესო თანამშრომლები დაჯილდოვდნენ
ფინანსთა სამინისტროს შემოსავლების სამსახურის მომსახურების დეპარტამენტის უფროსმა, ლევან დგებუაძემ 9 თანამშრომელს (ლელა ჯავახიშვილი, ნათია ნოზაძე, ეთერ იორდანიშვილი, ნინო წიქარიშვილი, გიორგი ამირანაშვილი, ხათუნა თაბაგარი, ლალი ოყროშიძე, მაია გოლოშვილი, მაკა თათვიძე), სამსახურებრივი მოვალეობის სანიმუშოდ შესრულებისთვის (მომსახურების ხარისხის შეფასების შედეგებიდან გამომდინარე) მადლობის სიგელები და სამახსოვრო საჩუქრები გადასცა.
მეთოდოლოგიის დეპარტამენტის მომსახურების ხარისხის კონტროლის სამმართველოს მიერ შემუშავებული შეფასების მეთოდი, წარმოადგენს გაწეული სერვისების ხარისხისა და კომპეტენციების მართვის ერთიან სისტემას, რომლის მონიტორინგიც ხელს უწყობს უწყების ორგანიზაციულ განვითარებას. აღნიშნული კვლევის ფარგლებში, 7 თანამშრომლის მიმართ სამუშაოს შესრულების შეფასების კოეფიციენტმა 91 პროცენტულ მაჩვენებელზე მეტი შეადგინა, ხოლო 2 წარმომადგენლის მონაცემებმა 100 პროცენტული მაჩვენებელი შეადგინა.
შემოსავლების სამსახური მომხმარებელთა მომსახურების ხარისხის გაუმჯობესების მიზნით, მუდმივად ახორციელებს სხვადასხვა სახის სწავლებებსა და სამოტივაციო ღონისძიებებს.