ღაზაში ისრაელის ავიაიერიშების გამო გარდაცვლილთა რაოდენობა 2 670-მდე გაიზარდა. ამის შესახებ CNN-ი პალესტინის ჯანდაცვის სამინისტროს მონაცემებზე დაყრდნობით წერს.
უწყების ცნობით, დაჭრილია 9 600 ადამიანი. ასევე, ვრცელდება ინფორმაცია იმის შესახებ, რომ განადგურებული შენობების ნანგრევებში 1000-ზე მეტი ადამიანი ამ დრომდე რჩება.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
კომენტარები