ეგზიტპოლის შედეგების მიხედვით, პოლონეთში, მმართველმა პარტიამ „კანონი და სამართლიანობა“ პარლამენტში უმრავლესობა დაკარგა. ამის შესახებ BBC წერს.
გამოცემის ინფორმაციით, მმართველმა პარტიამ ხმათა 36,8% მიიღო, რაც საკმარისია გამარჯვებისთვის, თუმცა არასაკმარისი უმრავლესობის მისაღებად. ოპოზიციურმა კოალიციამ, რომელსაც პოლონეთის ყოფილი პრემიერი და ევროპული საბჭოს ყოფილი პრეზიდენტი დონალდ ტუსკი ხელმძღვანელობს, 31,5% მიიღო.
„პოლონეთმა გაიმარჯვა, დემოკრატიამ გაიმარჯვა. ეს ცუდი დროის დასასრულია“, – განაცხადა ტუსკმა ვარშავაში ამომრჩევლებთან შეხვედრაზე.
პოლონეთში საპარლამენტო არჩევნებზე მოსახლეობა ქვედა პალატის, ანუ სეიმის 460 წევრსა და სენატის 100 წევრს ოთხი წლის ვადით ირჩევს.
კომენტარები