ქართული ოპოზიცია არის პოლიტიკური ფაროსანა, ცალსახად, – ამის შესახებ კინორეჟისორმა გოგა ხაინდრავამ გადაცემაში „იმედი LIVE“ განაცხადა. მას მიაჩნია, რომ ერთადერთი პოლიტიკური ძალა, რომელსაც შეიძლება ქვეყანაში დაეყრდნონ, „ქართული ოცნებაა“.
„ქართულ საზოგადოებაში ყველას ესმის – მომხრეებსაც და მოწინააღმდეგეებსაც, რომ ერთადერთი პოლიტიკური ორგანიზაცია საქართველოში, რომელსაც შეიძლება დაეყრდნოს ეს ქვეყანა არის „ქართული ოცნება“. იმისდა მიუხედავად, თუ როგორი დამოკიდებულება აქვს მისდამი ქართული საზოგადოების ნაწილს.
დღეს ამ პოლიტიკურ ძალაზე დგას ქვეყანა, ჩვენი მომავალი, სიმშვიდე ამ ქვეყანაში. გარშემო არის ცეცხლი, ცეცხლი უნთია ყველა ქვეყანას – სომხეთი, აზერბაიჯანი, რუსეთი, უკრაინა, ისრაელი, პალესტინა, თურქეთს გამუდმებით პრობლემები აქვს ხან სირიასთან, ხან ქურთებთან. ერთადერთი ქვეყანა, სადაც არის სიმშვიდე, ეკონომიკური ზრდა [საქართველოა]. გაიხედეთ გარშემო და მერე შემოიხედეთ აქ და მიხვდებით, სად ვართ ჩვენ და სად არის დანარჩენი რეგიონი“, – განაცხადა ხაინდრავამ.