საკონსტიტუციო სასამართლოს გადაწყვეტილების გამოცხადებამდე პროგნოზებს პოლიტიკოსები აკეთებენ. მმართველი გუნდიც და ოპოზიციაც დარწმუნებულია, რომ საკონსტიტუციო სასამართლო დაადასტურებს სალომე ზურაბიშვილის მიერ კონსტიტუციის დარღვევას, რის შემდეგაც პროცესი პარლამენტში გადაინაცვლებს. პროცესის ბოლომდე მისაყვანად მმართველ გუნდს ასი დეპუტატის მხარდაჭერა დასჭირდება.
საქართველოს პარლამენტის თავმჯდომარის პირველი მოადგილის განცხადებით, ფაქტს, რომ საქართველოს პრეზიდენტმა ნამდვილად დაარღვია კონსტიტუცია ალტერნატივა არ აქვს.
“გადაწყვეტილების მიღებას, რომ კონსტიტუცია ნამდვილად დარღვეულია ალტერნატივა არ აქვს. არსებობს კონსტიტუციის კონკრეტული მუხლი, კონკრეტული ფორმულირება და ამ ფორმულირების საწინააღმდეგო მოქმედებები , რაც თავად პრეზიდენტმაც აღიარა. დაველოდოთ, სასამართლოს გადაწყვეტილება იქნება მთავარი, რითაც უნდა იხელმძღვანელოს მთავრობა”, – განაცხადა გია ვოლსკიმ.