„ქრონიკა“ ისრაელში მუშაობას განაგრძობს. როგორც ილანა ჯანაშვილი ისრაელიდან იტყობინება, თელავივში ნახევარი საათის წინ ძლიერი აფეთქების ხმა იყო, თუმცა განგაშის სიგნალი არ ჩართულა. მისი თქმით, „ჰამასმა“ განაცხადა, რომ იერიში განახორციელა თელავივზე. ბოლო მონაცემებით, რაკეტა ჩავარდა ზღვაში და დაშავებულები არ არიან, თუმცა ინფორმაცია საბოლოო არ არის და შეიძლება განახლდეს.
ვითარების გამო ყველა სასწავლო, თუ სააღმზრდელო დაწესებულება დაკეტილია და ორი დღეა საუბარია იმაზე, რომ ქალაქის გარკვეულ ნაწილში მაინც განახლდეს სწავლება.
ამ ეტაპზე არცერთი ჰუმანიტარული დახმარება არ არის შესული ღაზას ტერიტორიაზე. მოსახლეობის ნაწილი ღაზას ჩრდილოეთიდან სამხრეთ ნაწილისკენ გადაადგილდება. ისრაელი განაგრძობს მოთხოვნას, რომ შეეცადონ და მათ ქალაქი ღაზა მაინც დატოვონ, რადგან საჰაერო იერიშების უმეტესი ნაწილი ზუსტად ამ ქალაქზე მოდის.