პოლონეთის პრეზიდენტმა, ანჯეი დუდამ საპარლამენტო არჩევნებზე ხმის მიცემის დასრულების შემდეგ პირველი კომენტარი გააკეთა. ანჯეი დუდამ მადლიერება გამოთქვა საარჩევნო უბნებზე დაფიქსირებული მაღალი აქტივობისთვის.
„ეს იყო ძალიან მნიშვნელოვანი მომენტი. ყველა არჩევნები არის ტესტი, რამდენად მომწიფებული ვართ როგორც საზოგადოება, რომელსაც თავად შეგვიძლია, მივიღოთ გადაწყვეტილება ჩვენ შესახებ. ჩვენ ვაჩვენეთ, რომ საქმეებს დამოუკიდებლად ვუმკლავდებით. გმადლობთ, რომ მიიღეთ მონაწილეობა არჩევნებში და მადლობა მათ, ვინც მიიღეთ მონაწილეობა რეფერენდუმში“, – აღნიშნა დუდამ.
პოლონეთის პრეზიდენტის თქმით, ქვეყანა ჯერ კიდევ ელოდება საბოლოო შედეგებს, რადგან დათვლის პროცესი ისევ მიმდინარეობს. დუდა იმედოვნებს, რომ არჩევნების პასუხები ხვალ, დაახლოებით შუადღისას გახდება ცნობილი.
„მსგავსი აქტივობით, ამ არჩევნებმა მშვიდობიან გარემოში ჩაიარა. ჩვენ მშვიდად ველოდებით. დემოკრატია პოლონეთში სტაბილურია. მადლიერი ვარ, რომ არსებობს საზოგადოების ხმა. ეს სურვილი სულ უფრო და უფრო მკაფიო ხდება. ვულოცავ მათ, ვინც გაიმარჯვა, მთელი გულით ვულოცავ ახალ დეპუტატებსა და სენატორებს“, – აღნიშნა პოლონეთის პრეზიდენტმა.