პარლამენტის ბიურომ მიმდინარე სასესიო კვირის დღის წესრიგზე იმსჯელა, – ამის შესახებ ინფორმაციას პარლამენტის პრესსამსახური ავრცელებს. მათივე ცნობით, „პარლამენტი „მინისტრის საათის“ ფარგლებში, თავდაცვის მინისტრს ჯუანშერ ბურჭულაძეს მოუსმენს.
„20 ოქტომბრის პლენარულ სხდომაზე კი, ინტერპელაციის წესით საგარეო საქმეთა მინისტრი ილია დარჩიაშვილი წარდგება“, – ამის შესახებ პარლამენტის თავმჯდომარემ შალვა პაპუაშვილმა ბიუროს სხდომაზე განაცხადა, სადაც მიმდინარე სასესიო კვირის დღის წესრიგი განსაზღვრეს.
კანონმდებლები სახელმწიფო უსაფრთხოების სამსახურის 2022 წლის საქმიანობის ანგარიშს მოისმენენ. როგორც პარლამენტის თავმჯდომარემ განმარტა, პოლიტიკურ ჯგუფ „რეფორმების ჯგუფის“ მიერ მოთხოვნილია „თავისუფალი ტრიბუნა“.
ბიუროს სხდომაზე ასევე განიხილეს ახალი საკანონმდებლო ინიციატივები და განსაზღვრეს სავალდებულო და წამყვანი კომიტეტები“, – აღნიშნულია გავრცელებულ ინფორმაციაში.