საქართველოს პრეზიდენტის წარმომადგენლების მხრიდან იყო მითითება, რომ კონსტიტუციის 49-ე მუხლი 52-ე მუხლისგან დამოუკიდებლად ადგენდა საქართველოს საგარეო ურთიერთობებში პრეზიდენტის წარმომადგენლობით უფლებამოსილებას, – განაცხადა საკონსტიტუციო სასამართლოს სამდივნოს უფროსმა, გიორგი ლომთაძემ იმპიჩმენტის საკითხზე გამართული პროცესის შემდეგ ჟურნალისტებთან საუბრისას.
მისი თქმით, საკონსტიტუციო სასამართლოს გადაწყვეტილებაში მითითებულია, რომ საგარეო პოლიტიკურ საკითხებთან მიმართებაში ნებისმიერი აქტივობა წინ და წინვე გულისხმობს საქართველოს მთავრობის თანხმობის არსებობას.
საქართველოს პრეზიდენტის წარმომადგენლების მხრიდან იყო მითითება, რომ კონსტიტუციის 49-ე მუხლი 52-ე მუხლისგან დამოუკიდებლად ადგენდა საქართველოს საგარეო ურთიერთობებში პრეზიდენტის წარმომადგენლობით უფლებამოსილებას.
საკონსტიტუციო სასამართლომ განმარტა, სისტემური თვალსაზრისით დადგენილი, სახელმწიფო მოწყობის სისტემა და მათ შორის კონსტიტუციური ორგანოების უფლებამოსილება ამ თვალსაზრისით და მიუთითა, რომ საქართველოს მთავრობის ექსკლუზიურ უფლებამოსილებას წარმოადგენს საგარეო პოლიტიკის განხორციელება და პოლიტიკური ურთიერთობების პრიორიტეტებში სახელმწიფოს ნაბიჯების განსაზღვრა, ხოლო საქართველოს პრეზიდენტის უფლებამოსილებები საქართველოს კონსტიტუციის 52-ე მუხლითაა მხოლოდ ამოწურვით მოცემული. სხვა კონსტიტუციური დებულება, გარდა 52-ე მუხლისა საქართველოს პრეზიდენტის უფლებამოსილების მდგენელი არ არის“, – განაცხადა ლომთაძემ.