ისრაელზე თავდასხმის შემდეგ ღაზის სექტორში 200-დან 250-მდე ტყვეა. ამის შესახებ „ჰამასის“ სპიკერმა, აბუ უბაიდამ სატელევიზიო გამოსვლის დროს განაცხადა.
„უცხოელი მძევლები ჩვენი სტუმრები არიან“, – ამბობს აბუ ობაიდა და პირობას დებს, რომ დაიცავს მათ და გაათავისუფლებს, როდესაც „ადგილზე პირობები ამის საშუალებას მისცემს“.
უბაიდა ასევე ამბობს, რომ ისრაელის სახმელეთო ოპერაცია „ჰამასის“ მებრძოლებს არ აშინებს და ისინი მზად არიან ამისთვის. მისი თქმით, ღაზის სექტორში მცხოვრები ხალხი არ დატოვებს ტერიტორიას, რადგან მათი გადაადგილება ზიანს აყენებს ეგვიპტის ეროვნულ უსაფრთხოებას.
„ჰამასის“ სპიკერი დადებითად აფასებს „ჰეზბოლას“ ნაბიჯებს ისრაელის წინააღმდეგ, თუმცა აღნიშნავს, რომ „ჰამასს“ უფრო მეტი მხარდაჭერა სჭირდება.
კომენტარები