ისრაელის თავდაცვის ძალებში აცხადებენ, რომ ღაზას სექტორში საავადმყოფოს „ისლამური ჯიჰადის“ მიერ ნასროლი რაკეტა მოხვდა. შესაბამისი განცხადება სოციალურ ქსელ X-ში მათ ოფიციალურ ანგარიშზე გამოქვეყნდა.
„ოპერატიული სისტემების ანალიზი მიუთითებს იმაზე, რომ ტერორისტებმა ღაზადან რამდენიმე რაკეტა გაუშვეს, რომლებმაც ღაზაში ალ-აჰლის ჰოსპიტალთან ახლოს იმ მომენტში გაიარეს, როდესაც მას რაკეტა მოხვდა. ჩვენს ხელთ არსებული მრავალი წყაროდან მიღებული მონაცემები მიუთითებს იმაზე, რომ ღაზაში მდებარე ჰოსპიტალში ჩავარდნილ რაკეტაზე „ისლამური ჯიჰადია“ პასუხისმგებელი“, – აღნიშნულია განცხადებაში.
პალესტინის მთავრობაში აცხადებენ, რომ ღაზის სექტორში საავადმყოფოზე იერიშის შედეგად 500-მდე ადამიანი დაიღუპა და მომხდარში ისრაელს ადანაშაუელებენ.
კომენტარები