„ვაგნერის“ ინსტრუქტორები, რომლებიც ბელარუსის ტერიტორიაზე იმყოფებოდნენ, „ჰეზბოლას“ მებრძოლების წვრთნაში აქტიურად მონაწილეობენ.
ამის შესახებ ინფორმაციას უკრაინის სტრატეგიული კომუნიკაციებისა და ინფორმაციის უსაფრთხოების ცენტრი ავრცელებს.
მათივე ცნობით, საუბარია სირიის სამხედრო ბაზებზე ლიბანური ჯგუფის მებრძოლების წვრთნაზე.
„მთავარი ამოცანაა უკრაინაში სამხედრო ოპერაციების ჩატარების გამოცდილების გაზიარება, მცირე ჯგუფების თავდასხმის ოპერაციები, ბრძოლები ქალაქებში, კამიკაძე დრონების გამოყენება და უპილოტო საფრენი აპარატების გამოყენება. „ჰეზბოლას“ მებრძოლები ამჟამად აწარმოებენ ოპერაციებს ისრაელის წინააღმდეგ. თავდასხმა კერძოდ, „ვაგნერის“ ინსტრუქტორებმა დაგეგმეს“, – აღნიშნულია გავრცელებულ ინფორმაციაში.
კომენტარები