პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის განცხადებით, “შეკრებებისა და მანიფესტაციების შესახებ” კანონზე ვეტოს დადებით სალომე ზურაბიშვილმა დაადასტურა, რომ ოპოზიციის რადიკალურ გეგმებს მხარს უჭერს.
“ვეტოს დადებით პრეზიდენტმა განაცხადა, რომ მხარს უჭერს ისეთი კონსტრუქციების მოწყობას მანიფესტაციების დროს, რომელიც სხვა ადამიანებს უქმნის საფრთხეს, რომელიც საწარმოებისა და ორგანიზაციების ბლოკირებას ახდენს. ამით მან დაადასტურა მხარდაჭერა რადიკალური გეგმებისთვის. ის ემთხვევა ოპოზიციის მიერ წარმოდგენილი არასწორი მსჯელობის შინაარს. ვეტო მოითხოვს, რომ დაძლეული იქნას, მათ შორის ჩვენი ქვეყნის მოსახლეობის უსაფრთხოების მოტივებიდან გამომდინარე”, – განაცხადა მიხეილ სარჯველაძე.
კომენტარები