ქალბატონო სალომე, შემიძლია მოგილოცოთ – „ნაციონალური მოძრაობის“ ერთადერთ კამპანიაში არ იყავით ჩართული და დღეს იმაშიც ჩაერთეთ, რასაც შვილების ბულინგი კამპანია ჰქვია, – ასე მიმართა „ქართული ოცნების“ აღმასრულებელმა მდივანმა მამუკა მდინარაძემ საქართველოს პრეზიდენტს, სალომე ზურაბიშვილს პარლამენტის პლენარულ სხდომაზე, სადაც პრეზიდენტის იმპიჩმენტის პროცედურა მიმდინარეობს.
„რას ეტყვითო თქვენს შვილებსო – ამ რიტორიკულ კითხვაზე პასუხს გაგცემთ: მე პირადად ვეტყვი, როგორც მწამდა და მჯეროდა იმას ვაკეთებდი პირადად პოლიტიკაში. მე სხვის დავალებებს არ ვიღებდი და არც არასდროს მივიღებ – ამას ვეტყვი საკუთარ შვილებს მათ თავს დავიფიცებ, რომ ეს ასე იქნება სულ. ჩვენი თითოეული გუნდის წევრი არავის დავალებას არ მიიღებს“, – აღნიშნა მამუკა მდინარაძემ.
პარლამენტში პრეზიდენტის იმპიჩმენტის საკითხის განხილვა დაიწყო. სხდომას ესწრება თავად სალომე ზურაბიშვილი.