გერმანიის კანცლერმა ბერლინში სინაგოგაზე მომხდარი თავდასხმა დაგმო. ოლაფ შოლცის განცხადებით, გერმანია არასოდეს შეეგუება თავდასხმებს ებრაულ ინსტიტუტებზე.
მან ასევე აღნიშნა, რომ ებრაული ინსტიტუტების დაცვის ზომები გამკაცრდება.
„პირადად მე ძალიან აღმაშფოთა იმან, რასაც ზოგიერთები აკეთებენ და ამბობენ. დარწმუნებული ვარ, რომ გერმანიის მოქალაქეები ჩემს აზრს იზიარებენ. ერთად ვდგავართ გერმანიაში ებრაელების დასაცავად“, – განაცხადა შოლცმა.
ბერლინში სინაგოგას „მოლოტოვის კოქტეილები“ ესროლეს – შენობაში, სადაც სინაგოგა მდებარეობს, ასევე განთავსებულია ებრაული საბავშვო ბაღი და ებრაული საზოგადოებრივი ცენტრი. შემთხვევის შედეგად არავინ დაშავებულა.
კომენტარები