ძალიან სამწუხაროა, რომ პრეზიდენტი გაექცა კითხვებს. ეს კითხვები ეხებოდა იურიდიულ თემებს, მაგრამ ასევე ეხებოდა ისეთ საკითხებს, რომლებიც არის საგანგებო ეროვნული მნიშვნელობის. მათ შორის ერთ-ერთი კითხვა უკავშირდებოდა ევროკავშირში ინტეგრაციას, – ამის შესახებ „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ პარლამენტში სიტყვით გამოსვლის დროს განაცხადა.
მისი თქმით, ეს არის ლუსტრაცია იმისა, რომ პრეზიდენტი და რადიკალური ოპოზიცია მუშაობენ კანდიდატის სტატუსის წინააღმდეგ.
„მე დღეს ვახსენე, განსხვავებულ აზრში მოტანილი ერთ-ერთი სიტყვები, რომ პრეზიდენტი წარმოუდგენიათ, როგორც ერის სინდისი. ერის სინდისის რა მოგახსენოთ, მაგრამ სულ მცირე პრეზიდენტს ეკისრება პასუხისმგებლობა, რომ კულტურის თვალსაზრისით მაგალითის მიმცემი იყოს სხვებისთვის. როდესაც სალომე ზურაბიშვილი, საქართველოს პრეზიდენტად წოდებული თანამდებობის პირი ასეთ კულტურას აჩვენებს სხვებს, იქ რაზეა საუბარი, როდესაც ის გაურბის ხალხის მიერ არჩეული პარლამენტის წევრების მიერ დასმულ შეკითხვებს. ეს არის ის კულტურული მაგალითი, რომელიც პრეზიდენტმა უნდა აჩვენოს სხვა ადამიანებს? რა თქმა უნდა არა. ძალიან სამწუხაროა, რომ პრეზიდენტი გაექცა კითხვებს. ეს კითხვები ეხებოდა იურიდიულ თემებს, მაგრამ ასევე ეხებოდა ისეთ საკითხებს, რომლებიც არის საგანგებო ეროვნული მნიშვნელობის. მათ შორის ერთ-ერთი კითხვა უკავშირდებოდა ევროკავშირში ინტეგრაციას. სალომე ზურაბიშვილი გაექცა პასუხს კითხვაზე – საქართველო არსებული მოცემულობით ხელისუფლების მიერ გადადგმული ნაბიჯებით დეკემბერში იმსახურებს თუ არა კანდიდატის სტატუსს. როდესაც ის გაურბის ამ კითხვაზე პასუხს, ეს ხომ არის ლუსტრაცია იმის, რომ სალომე ზურაბიშვილი ისევე როგორც დანარჩენი კოლექტიური ნაცმოძრაობა მუშაობს კანდიდატის სტატუსის წინააღმდეგ“, – განაცხადა კობახიძემ.