საუბარი შეიძლება იყოს არა სალომე ზურაბიშვილისა და გიორგი გახარიას ალიანსზე, არამედ „ნაციონალური მოძრაობის“ ანტიქართულ კოალიციაზე, რომელიც მომავალი არჩევნებისთვის იკვრება – ანუ, ვინ გახდება ან არ გახდება ანტიქართული კოალიციის ნაწილი, – ამის შესახებ ჟურნალისტებს საქართველოს პარლამენტის თავმჯდომარემ, შალვა პაპუაშვილმა განუცხადა.
მან ისაუბრა, რამდენად შესაძლებელია სალომე ზურაბიშვილისა და გახარიას გაერთიანება.
„რაც შეეხება შესაძლო ალიანსს, ვერ გეტყვით, ამაზე მათ უნდა გასცენ პასუხი, თუმცა ძალიან ნიშანდობლივია ის სახეცვლილება, რომელიც როგორც გიორგი გახარიამ, ასევე სალომე ზურაბიშვილმა განიცხადეს, რაც გადავიდნენ „ნაციონალური მოძრაობის“ კალაპოტსა და ბანაკში. ერთი ერთზე ხდება, ამ სახეცვლილებას ვაკვირდებით-ხოლმე პირდაპირ ეთერში. როგორ იცვლიან რიტორიკას, დამოკიდებულებას, როგორ ესხმიან თავს სახელმწიფო ინსტიტუტებს, ერთი ერთში „ნაციონალური მოძრაობის“ მეთოდების შეთვისება როგორ ხდება-ხოლმე ამ დროს. ასე, რომ აქ საუბარი შეიძლება იყოს არა სალომე ზურაბიშვილისა და გიორგი გახარიას ალიანსზე, არამედ „ნაციონალური მოძრაობის“ ანტიქართულ კოალიციაზე, რომელიც მომავალი არჩევნებისთვის იკვრება – ვინ გახდება ან არ გახდება ანტიქართული კოალიციის ნაწილი“, – განაცხადა პაპუაშვილმა.