ისრაელის საგარეო საქმეთა სამინისტრო ადასტურებს, რომ პოპულარული ამერიკელი მომღერლის, ტეილორ სვიფტის პირადი მცველი ქვეყნის ჯარს შეუერთდა. ამის შესახებ BBC წერს.
გამოცემის ინფორმაციით, უწყებამ სოციალურ ქსელებში მცველის ფოტო გამოაქვეყნა, რომელზეც ის სამხედრო ფორმაშია და წარწერად სვიფტის ერთ-ერთი სიმღერიდან გადაკეთებული ტექსტი დაურთო: „ეი, ტეილორ სვიფტ, გპირდებით, რომ მისნაირს ვერავის იპოვი“.
მცველის სახელი და გვარი არ საჯაროვდებოდა, თუმცა უწყების პოსტში ასევე არის ტექსტი: „გვიყვარხარ, ერან“.
„ჰამასის“ თავდასხმის შემდეგ ისრაელის თავდაცვის ძალებში 360 ათასი რეზერვისტი გაიწვიეს. ბევრი მათგანი ქვეყანაში საზღვარგარეთიდან დაბრუნდა. ინფორმაცია სვიფტის მცველის ისრაელში დაბრუნების შესახებ რამდენიმე დღის წინ გავრცელდა.
კომენტარები