ყოფილი პრეზიდენტის, მიხეილ სააკაშვილის წარმომადგენელს სოფო ჯაფარიძესა და „ნაციონალური მოძრაობის“ აქტივისტებს სოფელ ჭორვილის მოსახლეობამ კვერცხები დაუშინა.
ჭორვილაში ჩასულ სოფო ჯაფარიძესა და „ნაციონალური მოძრაობის“ აქტივისტებს მოსახლეობის ნაწილმა გზა გადაუკეტა და სოფელში შესვლის შესაძლებლობა არ მისცა. აღნიშნულის გამო მოსახლეობასა და აქტივისტებს შორის ადგილი ჰქონდა სიტყვიერ დაპირისპირებას, რომელიც შემდეგ ფიზიკურ დაპირისპირებაში გადაიზარდა. მოსახლეობამ მათ კვერცხებიც დაუშინა. ადგილზე საპატრულო პოლიციაა მობილიზებული. „ნაციონალური მოძრაობის“ აქტივისტები ამ მომენტისთვისაც ადგილზე იმყოფებიან.
მესამე პრეზიდენტის წარმომადგენლის სოფო ჯაფარიძის ინიციატივით, აქტივისტები დღეს ევროპის მოედანზე შეიკრიბნენ და ჭორვილისკენ დაიძრნენ.
კომენტარები