ჭორვილა, ეს ულამაზესი ადგილი, აუცილებლად იქნება ევროპული სოფელი, – ამის შესახებ საქართველოს ყოფილი პრეზიდენტის, მიხეილ სააკაშვილის წარმომადგენელმა, სოფო ჯაფარიძემ სოფელ ჭორვილასთან გამართულ აქციაზე განაცხადა.
მისივე თქმით, ამისთვის ყველაფერს გააკეთებს.
„დღეს ვხედავთ, რომ ჩვენ ჩვენივე ქვეყანაში გვეზღუდება თავისუფლად გადაადგილება, მაგრამ დარწმუნებულო ვარ, ეს ყველაფერი ძალიან მალე დასრულდება. პირადად მე, სოფო ჯაფარიძე, დიდ მონაწილეობას მივიღებ, ჩავალ ყველგან. სულ რომ მარტო მომიწიოს სიარული, ვიქნები ყველგან, ვიქნები თითოეულ ჩვენს მოქალაქესთან და აუცილებლად უფრო კარგად დავანახებ ჩვენს მოსახლეობას, რამხელა საფრთხეს გვიქმნიან და უქმნიან ჩვენს ქვეყანას. არ გავარუსებინებთ ჩვენს ქვეყანას და რუსებით არ ჩავანაცვლებინებთ. ჭორვილა, ეს ულამაზესი ადგილი, აუცილებლად იქნება ევროპული სოფელი და ამისთვის ყველაფერს გავაკეთებ“, – განაცხადა სოფო ჯაფარიძემ.