ისრაელმა დაუყოვნებლივ უნდა შეწყვიტოს გენოციდის ტოლფასი ოპერაციები, – ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.
თურქეთის პრეზიდენტის თქმით, რეგიონს სჭირდება სიგიჟისგან გადარჩენა, რომელსაც მხარს უჭერენ დასავლური ძალები და მედია.
ერდოღანის განცხადებით, უსაფრთხოების უზრუნველყოფა შეუძლებელია საავადმყოფოების, სკოლების, მეჩეთების და ეკლესიების დაბომბვით.
„ვიმეორებ ჩვენს მოწოდებას ისრაელის მიმართ, არასოდეს გააფართოოს თავისი თავდასხმების ფარგლები მშვიდობიანი მოსახლეობის წინააღმდეგ და დაუყოვნებლივ შეწყვიტოს მისი ოპერაციები, რომლებიც გენოციდს უტოლდება. გვჯერა, რომ ჩვენი რეგიონი მიაღწევს მუდმივ სტაბილურობას ახალი მექანიზმების ჩამოყალიბებით, რომლებიც გარანტირებული იქნება მუსლიმების, ებრაელების, ქრისტიანების და ამ მიწებზე მცხოვრები ყველა ადამიანის უსაფრთხოებისთვის“, – განაცხადა რეჯეფ თაიფ ერდოღანმა.