“ჰამასმა” ორი ამერიკელი ტყვე გაათავისუფლა. ამის შესახებ ინფორმაციას CNN დიპლომატიურ და მოლაპარაკებებთან დაკავშირებით ინფორმაციის მქონე წყაროებზე დაყრდნობით ავრცელებს.
უცხოური წყაროების ცნობით, გათავისუფლებულები არიან დედა-შვილი – 59 წლის ჯუდიტ რაანანი და მისი ქალიშვილი ნატალი. ისინი ილინოისის შტატის მაცხოვრებლები არიან. გოგონა აშშ-სთან ერთად ისრაელის მოქალაქეც არის.
ისინი წითელ ჯვარს გადასცეს. წყაროების ცნობით, მათი გათავისუფლება “ჰუმანიტარულ საფუძველზე” მოხდა, ვინაიდან დედა ჯანმრთელობის მხრივ მძიმე მდგომარეობაში იმყოფებოდა.
ამ მომენტისთვის უცნობია ისინი ღაზის სექტორიდან ეგვიპტეში გადავლენ თუ ისრაელში.
კომენტარები