სირიელ დევნილებს შორის ზოგიერთი უდავოდ ტერორისტია, – განაცხადა სირიის პრეზიდენტმა ბაშარ ალ-ასადმა Yahoo News-ისთვის მიცემულ ექსკლუზიურ ინტერვიუში.
დონალდ ტრამპის მიერ ხელმოწერილ განკარგულებასთან დაკავშირებით, რომლითაც სირიელი დევნილების მიღება შეჩერდა, ბაშარ ალ-ასადმა განაცხადა, რომ ეს „ამერიკის საქმეა“.
კითხვაზე, არიან თუ არა სირიელ დევნილებს შორის ტერორისტები, სირიის ლიდერმა დადებითად უპასუხა.
„თქვენ ეს ინტერნეტში შეგიძლიათ ნახოთ. სირიაში მყოფი ტერორისტები, რომლებსაც იარაღი უკავიათ ან ხალხს კლავენ, მერე მშვიდობიან დევნილებად გვევლინებიან ევროპაში ან დასავლეთში.
გაიხსენეთ 11 სექტემბრის ტერაქტი აშშ-ში. ის ტერაქტი 20-მდე ადამიანმა განახორციელა. საუბარი რაოდენობაზე კი არა, არამედ ხარისხზე და განზრახვაზეა“, – დასძინა სირიის ლიდერმა.
კომენტარები