აშშ-ის პრეზიდენტმა დონალდ ტრამპმა ირანის პრეზიდენტს ჰასან როუჰანის „ფრთხილად ყოფნა“ ურჩია. თეთრი სახლის ჟურნალისტმა აშშ-ის პრეზიდენტს კითხვა დაუსვა თუ რას ფიქრობს ის ირანის პრეზიდენტის ჰასა როუჰანის განცხადებაზე, რომ „ნებისმიერი ქვეყანა, ვინც ირანს ემუქრება, ამას ინანებს“.
„ვურჩევ მას ფრთხილად იყოს“, – განაცხადა დონალდ ტრამპმა.
„სიკვდილი ამერიკას“ – გუშინ ამ ლოზუნგით თეირანში ასობით მოქალაქე გამოვიდა და ამერიკის პრეზიდენტის დონალდ ტრამპის პოლიტიკის საწინააღმდეგო აქცია გამართა.
დემონსტრანტები ანტიამერიკულ და ისრაელის საწინააღმდეგო სლოგანებს სკანდირებდნენ. მათ ხელში ბენიამინ ნეთანიაჰუსა და დონალდ ტრამპის კარიკატურები ეკავათ.
კომენტარები