რეკომენდაციების შესრულებაში ჩართვას ვაპირებ, მაგრამ სკეპტიკურად ვარ განწყობილი, – ამის შესახებ პარლამენტის დამოუკიდებელმა დეპუტატმა თეონა აქუბარდიამ განაცხადა.
მისივე თქმით, საქართველო ფუნდამენტური რეფორმების გატარებით უნდა დაეწიოს უკრაინასა და მოლდოვას.
„ვაპირებ ჩავერთო, მაგრამ სკეპტიკურად ვარ განწყობილი, რომ „ქართულ ოცნებას“ ახლა მაინც ექნება პოლიტიკური ნება რეალური, ფუნდამენტური რეფორმები გაატაროს იმისთვის, რომ დავეწიოთ უკრაინასა და მოლდოვას“, – აღნიშნა აქუბარდიამ.
ევროკომისიის ცხრა პრიორიტეტის შესასრულებლად სამოქმედო გეგმა შემუშავდება. დღეს ევროპასთან ინტეგრაციის უწყებათაშორისი კომისიის სხდომა გაიმართება. მმართველი გუნდის განცხადებით, სამოქმედო გეგმა ევროკომისიას გადაეგზავნება.
კომენტარები