საქართველოსთვის ევროკაშირის წევრობის კანდიდატი ქვეყნის სტატუსის მინიჭებასთან დაკაშირებით, საქართველოში საერთო-სახალხო ზეიმის გამართვა იგეგმება.
ამის შესახებ მთავრობის დღევანდელ სხდომაზე პრემიერ-მინისტრმა, ირაკლი ღარიბაშვილმა განაცხადა.
როგორც ღარიბაშვილმა განაცხადა, ეს იქნება საქართველოს ხალხისა და ხელისუფლების ერთობლივი მუშაობისა და ისტორიული გამარჯვების აღნიშვნა.
„მთავრობის დღევანდელ სხდომაზე დავამტკიცებთ დეოლიგარქიზაციის სამოქმედო გეგმას. ეს გეგმა არის 12 პრიორიტეტის და ახლა უკვე ცხრა ნაბიჯის შემადგენელი ნაწილი. ჩვენ ავიღეთ ვალდებულება ამის დამტკიცების თაობაზე. დღეს, 15:00 საათზე გაიმართება ევროკავშირთან ინტეგრაციის სახელმწიფო კომისის სხდომა. ჩვენს პარლამენტთან ერთად განვიხილეთ, მანამდე პარტიაშიც გავიარეთ ეს საკითხები. იმის მიხედვით, როდის იქნება გადაწყვეტილება კანდიდატის სტატუსთან დაკავშირებით, 14 ან 15 დეკემბერს, გვინდა, გავმართოთ საერთო-სახალხო ეროვნული ზეიმი და ერთად აღვნიშნოთ ეს ისტორიული გამარჯვება, ჩვენი ქვეყნის და ხალხის, ჩვენი ხელისუფლების, მთავრობის მუშაობის შედეგი“, – განაცხადა პრემიერმა.