ეს [დავით არახამიას განცხადება] არის დადასტურება იმ არესტოვიჩის, რომელიც მოგვიწოდებდა ომისკენ, ქართველებს კურდღლებს უწოდებდა და მერე თავად გაიპარა კურდღელივით საკუთარი ქვეყნიდან, – ამის შესახებ, „ხალხის ძალის“ ერთ-ერთმა ლიდერმა გურამ მაჭარაშვილმა ჟურნალისტებს დავით არახამიას განცხადებასთან დაკავშირებით განუცხადა.
„ეს [დავით არახამიას განცხადება] არის დადასტურება იმ არესტოვიჩის, რომელიც მოგვიწოდებდა ომისკენ, ქართველებს კურდღლებს უწოდებდა და მერე თავად გაიპარა კურდღელივით საკუთარი ქვეყნიდან. როდესაც ქვეყანას [საქართველოს] ისეთი გამოწვევები აქვს, როგორიც არის რუსეთის ფედერაციის ოკუპაცია, ბუნებრივია, რომ სწორი და პრაგმატული პოლიტიკა ყოველთვის ამართლებს“, – აღნიშნა მაჭარაშვილმა.
„ხალხის მსახურის“ ფრაქციის თავმჯდომარემ დავით არახამიამ თქვა, რომ მოლაპარაკებებზე, რუსეთი ომის დასრულების სანაცვლოდ უკრაინისგან ნეიტრალიტეტის გამოცხადებასა და ნატოში შესვლაზე უარის თქმას ითხოვდა. დავით არახამიას განცხადებით, რუსეთის მიმართ ნდობა არ არსებობდა და უკრაინა ამ პუნქტს არ დათანხმდა.
„როდესაც სტამბოლიდან დავბრუნდით, კიევში ბორის ჯონსონი ჩამოვიდა და თქვა, რომ არაფერს ხელს არ მოვაწერთ, მოდით, უბრალოდ ვიომოთ“, – თქვა არახამიამ და განმარტა, რომ დასავლელი პარტნიორები უკრაინის ნაცვლად გადაწყვეტილებებს არ იღებდნენ და მხოლოდ რჩევებით შემოიფარგლებოდნენ.