ნატოს გენერალური მდივანი, იენს სტოლტენბერგი დარწმუნებულია, რომ მოკავშირეები გააგრძელებენ უკრაინისათვის მნიშვნელოვანი სამხედრო დახმარების გაწევას. ინფორმაციას ამის შესახებ უკრაინული მედია ავრცელებს.
სტოლტენბერგმა აღნიშნა, რომ მოკავშირეებთან კომუნიკაციიდან ხედავს მათ ურყევ მზაობას, გააგრძელონ უკრაინის დახმარება.
ნატოს გენერალურმა მდივანმა აღნიშნა, რომ მოკავშირეების მნიშვნელოვანი სამხედრო მხარდაჭერის მიუხედავად, უკრაინამ ჯერ ვერ მოახერხა ფრონტის ხაზის მნიშვნელოვნად გადაადგილება და ეს არის კიდევ ერთი შეხსენება იმისა, რომ დასავლეთმა სათანადოდ უნდა შეაფასოს რუსეთი.
“ჩვენ უნდა გავაგრძელოთ უკრაინის მხარდაჭერა. ჩვენი უსაფრთხოების ინტერესებშია, რომ პრეზიდენტმა პუტინმა არ მოიგოს ეს ომი”, – ხაზგასმით აღნიშნა იენს სტოლტენბერგმა.
კომენტარები