ჯანმრთელობის მდგომარეობის გამო, რომის პაპი ფრანცისკე დუბაიში გაეროს კლიმატის სამიტს არ დაესწრება. ინფორმაციას ამის შესახებ იტალიური Rai News-ი ავრცელებს.
“მიუხედავად იმისა, რომ რომის პაპის ზოგადი კლინიკური სურათი გრიპთან და სასუნთქი გზების ანთებასთან დაკავშირებით გაუმჯობესდა, ექიმებმა მას სთხოვეს, არ დაეგეგმა მოგზაურობა დუბაიში უახლოეს დღეებში”, – წერს Rai News-ი.
“რომის პაპმა ფრანცისკემ დიდი სინანულით მიიღო ექიმების თხოვნა და ამიტომ მოგზაურობა გაუქმდა. ვინაიდან რომის პაპი მზად არის, მონაწილეობა მიიღოს დისკუსიებში, ამის განხორციელების გზები რაც შეიძლება მალე იქნება განსაზღვრული”, – აღნიშნა ვატიკანის ოფიციალურმა წარმომადგენელმა, მატეო ბრუნიმ.
კომენტარები