ვაშაძე როგორც იყო ნაცურ ხმებზე დამჯდარი და, სინამდვილეში, მიშას და „ნაცებს“ ართმევდა ხმებს, ზუსტად ასევე არის „ლელო“, რომელიც აგრეთვე პარაზიტირებს „ნაცების“ ხმებზე, – ამის შესახებ „გირჩის“ წევრმა, იაგო ხვიჩიამ განაცხადა.
ხვიჩიას თქმით, „ყველა პრონაცური პარტია „ნაცებში“ უნდა გაერთიანდეს“.
„რომ არ დადგეს რისკი, ამ ხალხმა ბარიერი ვერ გადალახოს, რადგან „ნაცებს“ რამდენი ხმა უნდა წაართვან, მიშას ხმებს იმით ხომ ვერ წაართმევ, რომ მიშაზე „ნაცი“ იყო? ამიტომ, „ლელოს“ თამადობით, ყველა ეს პრონაცური პარტია უნდა გაერთიანდეს „ნაცებში“. არჩევნებზე სინამდვილეში უნდა იყოს არა ბევრი ნაცური პარტია, არამედ ერთი დიდი „ნაცები“, სადაც გაერთიანებული იქნება „ლელოც“ , გაერთიანებული იქნება ზურაბ ჯაფარიძის პარტიაც და სხვა ასეთი ნაცური ელემენტები. „ქოცები“ და ჩვენ – მგონი, ეს სამი პარტია სრულად საკმარისი იქნებოდა არჩევნებისთვის, მაქსიმუმ, ამას გახარიას პარტია დაემატოს“, – აღნიშნა იაგო ხვიჩიამ.
კითხვაზე, – „არ აპირებთ სხვა ოპოზიციურ პარტიებთან გაერთიანებას?“ – იაგო ხვიჩიამ უპასუხა: „ღმერთმა დაგვიფაროს, როგორ გეკადრებათ“.