“ისრაელის მთავრობა მოსახლეობისთვის იარაღის დარიგებას გააგრძელებს”

ისრაელის პრემიერმინისტრი, ბენიამინ ნეთანიაჰუ იერუსალიმში დღევანდელი თავდასხმის შედეგად დაღუპულთა და დაშავებულთა ოჯახებს მიმართავს.

როგორც ისრაელის პრემიერი სოციალურ ქსელში წერს, ის უსამძიმრებს დაღუპულთა ოჯახებს, ხოლო დაჭრილთა სიმშვიდისთვის ლოცულობს.

დღეს იერუსალიმში მომხდარ თავდასხმას სამი ადამიანის სიცოცხლე შეეწირა, 6 მოქალაქე დაიჭრა.

ნეთანიაჰუს თქმით, „შეიარაღებული სამოქალაქო პირისა და ორი ჯარისკაცის სწრაფმა რეაქციამ უფრო მძიმე შედეგის აცილება გახადა შესაძლებელი”.

„ჩემი მეთაურობით, მთავრობა მოსახლეობისთვის იარაღის დარიგების პროცესს გააფართოებს. ეს ის ღონისძიებაა, რომელიც ტერორიზმის წინააღმდეგ ომში კიდევ ერთხელ ადასტურებს მის აუცილებლობას“, – წერს ისრაელის პრემიერმინისტრი.