ეკონომიკისა და მდგრადი განვითარების სამინისტროს შპს ”მთის კურორტების განვითარების კომპანიის” გუდაურის სამაშველო სამსახურმა რუსი ტურისტი გადაარჩინა.
მთის კურორტების განვითარების კომპანიის ინფორმაციით, რუსმა ტურისტმა, რომელიც გუდაურში „კუდებზე“ სრიალებდა, თვითნებურად სასრიალო გზას გადაუხვია, რის შედეგადაც გუდაურიდან 30 კმ-ში, ხადას ხეობაში აღმოჩნდა.
”მთაზე მყოფმა მაშველებმა მის მიერ განხორციელებული არასწორი გადაადგილება შეამჩნიეს, რასაც მყისიერი რეაგირება მოჰყვა. 4-საათიანი სამაშველო ოპერაციის შედეგად რუსი ტურისტი მაშველებმა დაბა გუდაურში უსაფრთხოდ გადაიყვანეს”, – ნათქვამია შპს ”მთის კურორტების განვითარების კომპანიის” მიერ გავრცელებულ ინფორმაციაში.
კომენტარები