ადამიანის უფლებების საკითხებში გაეროს უმაღლესმა კომისარმა, ვოლკერ ტურკმა განაცხადა, რომ ღაზაში საბრძოლო მოქმედებების განახლება კატასტროფულია. ინფორმაციას ამის შესახებ ტელეკომპანია CNN-ი ავრცელებს.
“მოვუწოდებ ყველა მხარეს და მათზე გავლენის მქონე ყველა სახელმწიფოს, გააორმაგონ ძალისხმევა, რათა დაუყოვნებლივ უზრუნველყონ ცეცხლის შეწყვეტა – ჰუმანიტარულ და ადამიანის უფლებების საფუძველზე”, – აღნიშნა ადამიანის უფლებების საკითხებში გაეროს უმაღლესმა კომისარმა.
ისრაელმა „ჰამასი“ ზავის პირობების დარღვევაში დაადანაშაულა და ღაზის სექტორში საომარი მოქმედებები განაახლა.
როგორც ისრაელის პრემიერ-მინისტრის ადმინისტრაციის განცხადებაშია ნათქვამი, „ჰამასმა“ არ შეასრულა ზავის პირობები, კერძოდ, არ გაათავისუფლა ყველა ქალი მძევალი და სარაკეტო იერიშები განახორციელა ისრაელზე.