ხელოვნურად [კოალიციური მთავრობა] ვერ შეიქმნება, საქართველოში არ დგას მოცემულობა, რომ ეჭვქვეშ დავაყენოთ ერთი პარტიის შესაძლებლობა, რომ მიღოს არჩევნებში ხმის ის რაოდენობა, რომელიც სჭირდება მთავრობის ჩამოყალიბებას, – ამის შესახებ საქართველოს პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა „ქრონიკასთან“ განაცხადა.
„ასეთი სპეკულაციები 2020 წლის არჩევნებამდეც იყო, ეს იყო ძალიან მცდარი და მე ვფიქრობ, რომ ზედმეტად გამოყენება იმ უფლებამოსილებების, რომელიც ჰქონდათ იმ ადამიანებს, რომლებიც საქართველოდანან ასეთ გზავნილებს აგზავნიდნენ, ვინაიდან ამის არანაირი საფუძველი არ ყოფილა, რომ ვინმეს ეთქვა, რომ საქართველოში ხელისუფლება იცვლება და მოდის კოალიციური ხელისუფლება. ასეთი გზავნილები აბსოლუტურად უსაფუძვლო იყო. თუკი ვინმე ამას აკეთებს წინასწარ, როცა 1 წელია დარჩენილი არჩევნებამდე და ძალიან წარმოუდგენელია პროგნოზები აკეთო, გარდა იმისა რომ შეხედო პარტიების რეიტინგებს, სხვადასხვა კვლევის შედეგებს და ყველა კვლევის შედეგში „ქართული ოცნება“ არის ის პოლიტიკური ძალა, რომელიც წარმოუდგენლად უსწრებს სხვა პოლიტიკურ პარტიებს“, – განაცხადა ბოჭორიშვილმა