ამერიკული გამოცემა POLITICOევროპარლამენტში „კატარგეითის“ კორუფციულ სკანდალთან დაკავშირებით სტატიას აქვეყნებს სათაურით „კატარგეითის“ ფაილები: ასობით გაჟონილი დოკუმენტი ევროკავშირის კორუფციული სკანდალის მასშტაბებს ავლენს და წერს, რომ გამოძიების მტკიცებულებები ევროკავშირის დემოკრატიის მანიპულირების 300-ზე მეტ სავარაუდო მცდელობას ავლენს.
გამოცემა აღნიშნავს, რომ საქმის მასალებიდან ირკვევა, რომ ძირითადი ეჭვმიტანილები, მათ შორის ევროპარლამენტის ყოფილი წევრი, ანტონიო პანცერი და მისი თანაშემწე, ფრანჩესკო ჯიორჯი, ოთხი წლის განმავლობაში ზედმიწევნით აფიქსირებდნენ ევროპარლამენტის მანიპულირების სავარაუდო მცდელობებს.
მასალებიდან ასევე ირკვევა, რომ კატარში, მაროკოსა და მავრიტანიაში ეჭვმიტანილმა დამკვეთებმა დაახლოებით 4 მილიონი ევრო დახარჯეს ევროპარლამენტში გავლენების მოსაპოვებლად.
საქმის მასალებში დაფიქსირებული ქმედებები მოიცავს რამდენიმე ქმედებას, რომელიც მნიშვნელოვან გავლენას ახდენდა ევროკავშირის მუშაობაზე. კერძოდ, საუბარია ექვსი საპარლამენტო რეზოლუციის გაუქმებაზე, რომელიც გმობდა კატარში ადამიანის უფლებებთან დაკავშირებულ მდგომარეობას.