უნგრეთის საგარეო საქმეთა მინისტრმა, პიტერ სიიარტომ განაცხადა, რომ უნგრეთის პოზიცია უკრაინის ევროკავშირში გაწევრიანებასთან დაკავშირებით გააზრებული და დასაბუთებულია.
“უნგრეთის პოზიცია უკრაინის ევროკავშირში გაწევრიანებასთან დაკავშირებით გააზრებული და დასაბუთებულია, მასში არ არის შანტაჟი ან თუნდაც თამაში. ჩვენ კატეგორიულად უარს ვამბობთ იმ საკითხების არევაზე, რომლებსაც არავითარი კავშირი არ გააჩნიათ”, – აღნიშნა უნგრეთის საგარეო უწყების ხელმძღვანელმა.
მისი თქმით, უნგრელი ხალხი, უნგრეთის პარლამენტი და უნგრეთის მთავრობა ვერ ხედავენ ევროპისთვის სარგებელს უკრაინასთან მოლაპარაკებების ნაჩქარევი დაწყებიდან.
“უკრაინა უბრალოდ ძალიან შორს არის იმისგან, რომ იყოს შესაფერისი წევრობისთვის ან თუნდაც მოლაპარაკების დაწყებისთვის. ამიტომ უფრო დროული იქნება ჯერ სტრატეგიული პარტნიორობის განვითარება”, – განაცხადა მან.
მინისტრმა ხაზგასმით აღნიშნა, რომ უნგრეთის მთავრობა არ შევცვლის პოზიციას რაიმე ზეწოლის ქვეშ.