ნიკა მელიამ „ნაციონალური მოძრობა“ დატოვა. „მივდივარ წინ მომავლისკენ, წარსულს ვტოვებ წარსულში, – განაცხადა მან საგანგებო ბრიფინგზე.
პარტიის ყოფილი თავმჯდომარის თქმით, „ნაციონალურმა მოძრაობამ“ თავის პოლიტიკურ სტანდარტად აქცია არაფორმალური მართვა, კულუარული გავლენები, პოლიტიკითა და პოლიტიკოსებით ვაჭრობა, განსხვავებული აზრის დევნა და დემოკრატიისათვის კარის დაკეტვა.
„ახლა მაქვს ორი არჩევანი – ან ვითვალთმაქცო ისე როგორც უმეტესობამ, მოვირგო ეს ნიღაბი და ნიღბით ვიყო, ან ვიყო ბოლომდე გულწრფელი, საკუთარ თავთან და თქვენთან მართალი. ან უნდა მივიღო პოლიტიკური კორუფციული თამაშის წესები ან დავრჩე ხალხთან და ერთად შევცვალოთ ეს თამაშის წესები“, – აღნიშნა მელიამ.
კომენტარები