ყველაფერი იქით მიდიოდა, რომ მელიას შეექმნა პარტია, თითქოს მისი პათოსი „ნაციონალური მოძრაობისგან“ განსხვავებულია, თუმცა ერთი ერთში იმეორებს პოზიციას, რაც „ნაციონალური მოძრაობის“ ბრბოს აქვს, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.
ვოლსკი ნიკა მელიას მიერ „ნაციონალური მოძრაობის“ დატოვებას და ახალი პარტიის შექმნის საკითხს გამოეხმაურა.
„რასაკვირველია, ყველაფერი იქით მიდიოდა, რომ მელიას პლატფორმა მოემზადებინა და შემდეგ შეექმნა პარტია, თითქოს მისი პათოსი, ქვეყნის მიმართ დამოკიდებულება „ნაციონალური მოძრაობისგან“ განსხვავებულია. ზუსტად ერთი და იგივეა, ერთი ერთში იმეორებს დამოკიდებულებას, პოზიციას, რაც აქვს „ნაციონალური მოძრაობას, რომელიც კეზერაშვილისგან დაფინანსებულია. მუდმივი შეჯიბრია, ვის მეტი დესტრუქციის რესურსი აქვს“, – განაცხადა გია ვოლსკიმ.